Mantenshon di Órden Públiko

Enkargo di Polis

Den ‘Basis Politie Zorg’ e personal di polis ta enkargá ku tareanan general di polis, manera:

• patruyahe
• duna ayudo di emergensia
• tuma denunsia (simpel)
• mantené kontakto ku komunidat
• intermediá den situashon di konflikto

i otro tareanan manera kontròl i supervishon den kuadro di mantenshon di orden públiko.

Área di atenshon

E área di atenshon en general di polis (politiezorg) ta integrá den diferente ‘wijkbureau’ (kuido di bario/wijkzorg).

E kuido di bario ta enserá mantenshon di (supervishon riba kumplimentu ku) lei i regulashon, papia ku personanan tokante nan komportashon, duna servisio i identifiká problema.